太太无脑晒女女出事！陈浩民：佢唔清楚香港
来源：对白cap图王｜
陈浩民大女 6岁半读三年班
陈浩民太太蒋丽莎前日在微博上载大女陈雅薷的幼稚园毕业照及背影相，并感触地写道：「看着你远去的背影，有一种即将送你出国留学的不捨。恭喜你9月即将步入小学三年级，人生本来就是一段学习的历程，希望你勇往直前，不畏风雨活出绚丽的人生。」
真係咁劲？
不过有心水清网民留言问点解幼稚园毕业照之后｜唔係升读小一而係小三，蒋丽莎就回应网民话囡囡係跳咗两级，而且佢更正网民话大女唔係7岁，正确嚟讲係6岁半(今年11月才7岁)，好犀利咁喎⋯
陈浩民否认 话老婆摆乌龙⋯
不过，事后陈浩民澄清囡囡冇跳班，话只係一场误会：「老婆搞错，纯粹误会，个女冇跳班，太太唔清楚香港学制以为佢跳班啫！」因为雅薷就读国际学校，採用英国学制，跟香港学制有所不同，看来Lisa是把两个学制混淆而产生今次误会。
去年成绩优异 阿妈讚囡囡係「学霸」
不过咁，大女「跳级」大家误信以为真，又真係唔出奇嘅，事关佢个女嘅学业成绩一直以来好好，好似上年咁蒋丽莎就喺微博上载大女成绩表，见佢科科都剔咗星星嗰栏，代表「表现优异」，做阿妈嘅梗係要开心share啦！佢仲留言话屋企有个「学霸」：「想不到陈家出了一个『学霸』为你感到骄傲～戒骄戒傲，继续保持！ 」
雅薷大女一转眼咁大个，真係亭亭玉立！
大女做小助手 陪妈妈出埠拍戏
大女雅薷年纪小小，但乖巧懂事又帮得手，今年6月蒋丽莎返内地长沙拍戏，就带雅薷跟身充当小助手，大女帮妈咪手推行李拎嘢无扭计，蒋丽莎都忍唔住大讚佢！
蒋丽莎 教子有方
其实陈浩民经常留国内拍戏，凑仔女嘅重任当然交畀太太啦！睇番蒋丽莎嘅微博，都见佢平日亲力亲为凑仔女，甚少旨意工人姐姐，加上见佢经常一拖四带小朋友周围去都绝对冇难度，就知佢管教小朋友有一手！
陈浩民夫妇仲话想追多一个小朋友⋯
陈浩民虽然忙，但一返港会陪子女亲子活动！
陈浩民 月租10万天池屋
陈浩民与太太Lisa蒋丽莎五年抱四，早年已在国内崛起的浩民愈生愈旺，愈旺愈生，去年中全家由红磡过千呎複式单位，进驻月租10万的何文田半山壹号的天台特色泳池屋，事关间屋绝对可以满足全家嘅需要。因为一来方便仔女在九龙塘返学，更重要的是四个子女都热爱游水，近日天气开始炎热，Lisa就同仔女上天台游水，仲拍片影相放上社交平台开心share⋯⋯
陈浩民成日留在大陆拍戏开工，但太太同四个仔女都不愁寂寞，因为留喺屋企都大把娱乐，近日佢哋就上天台做至爱嘅活动 — 游水！
无敌天池屋
屋内的实用面积有千六呎左右，未计天台及泳池，坐落山上居高临下私隐度非常高，10万月租对今时今日的陈浩民来说湿湿碎，仔女老婆住得舒适最紧要。
蒋丽莎：全家都锺意游水
Lisa话搬呢个单位係有原因：「我哋依家住嘅係楼顶特色单位，有自家泳池，原因係我哋全家都比较喜欢游泳，我大肚8个月时，每周都游3次。再加上依家小朋友主要读书範围喺九龙塘，为咗佢哋每日有多啲时间睡觉，所以特意安排离学校近啲嘅地方住。」
老公辛苦搵钱养家，老婆负责照顾小朋友睇住头家，Lisa连生四胎身材仍然弗到漏，搬大屋后随时开工等生第五胎。
仲可以BBQ
除咗游水，仲够位喺游泳侧边烧烤，真係足不出户都冇问题！
陈浩民在国内开工的日子，Lisa全副精神照顾孩子，有空又会同子女夜晚上天台BBQ，甚至坐喺池边食住甜品睇夜景，好温馨！
睇完天台，唔少得睇埋室内，单位分上下两层。下层客厅同饭厅好阔落，用落地玻璃窗，楼底又高。客厅的柜放满许多家庭照，好温馨！
养一家六口（未计照顾小朋友的外佣姐姐），少个崩都唔得，陈浩民近年在国内密密做冇停手，Lisa就负责留港照顾小朋友，见她凑仔女绝不假手于人，接送大女与二仔返学放学再加课外活动，还有照顾仍未入学的三女与细女，Lisa这个万能铁人妈咪认真唔易做。
楼底高又用落地玻璃，够晒光猛，放巨型圣诞树都唔会有压迫感！
而下层都有长长的露台，最爱种植的Lisa放满鲜花及盆栽，小朋友会帮手整植物盆景同淋水！
囡囡都会帮手剪杂草及收割果实，早前就有自家种植的红椒！
一屋都係小朋友，为照顾他们平时已劳心劳力，但陈浩民与Lisa甚懂分配时间，也会预留拍拖时间，不会冷落另一半。
陈浩民在国内搵钱速度同印银纸一样快，生够一队足球队都冇问题啦！
亲自扫家品
陈浩民一直在国内忙拍戏拍电影及宣传，不过佢一有空都会即回港陪Lisa同四个仔女，之前佢就同太太拍拖到九龙湾Mega Box的宜家家俬扫家品，这日只有夫妇二人，四位小朋友及外佣未有同行。二人买了大量家品，陈浩民自己做埋司机与咕哩，与Lisa合力把家品塞入七人车内，之后再去土瓜湾的平民麵店买外卖，返抵何文田半山一号时，陈浩民把车停下再借用手推车把家品推回家中。虽然住豪宅，但陈浩民夫妇的日常生活仍非常贴地，凑仔与搬屋一样，全部亲力亲为。
